Nekadašnji NBA košarkaš, Džered Kaningem, novo je pojačanje novosadske Vojvodine, potvrdio je klub.
Vojvodina je danas predstavila novog plejmejkera, Džereda Kaningema, koji je tokom NBA karijere nastupao za Dalas Maverikse, Atlantu Hokse, Sakramento Kingse, Los Anđeles Kliperse, Klivlend Kavalirse, koji su ga i izabrali kao 24. pika prve runde 2012. godine, a posljednji angažman u najjačoj svjetskoj ligi imao je 2016. godine u dresu Milvoki Baksa.
Nakon toga je uslijedila epizoda u Kini, a onda je u sezoni 2017/2018 igrao za Bajern Minhen. Poslije toga je igrao u Breši, a onda je pokušao da se vrati u NBA ligu, pa je odigrao sezonu u razvojnom timu Golden Stejt Voriorsa, Santa Kruz Voriorsima.
Posljednje tri sezone Kaningem je nastupao u Šangaj Šarksima, Bneiju, a u Vojvodinu je stigao iz litvanstog Pijena. Nema sumnje da će biti ozbiljno pojačanje za Vojvodinu u nastavku sezone, pogotovo u ABA 2 ligi gdje će biti jedan od glavnih favorita za ulazak u ABA ligu.
